dijous, 5 de novembre del 2009

Fai! súmase al manifiestu pola llibertá d'Amadeu Casellas

Firma al manifiestu que desixe la llibertá del presu políticu, un anarquista que lleva más de 25 años en prisión ensin cuntar con delitos de sangre pola expropiación a 50 bancos nos años 70.
www.kaosenlared.net/noticia/fai-sumase-manifiestu-pola-lliberta-damadeu-casellas

Les sos denuncies escontra'l sistema penitenciariu per aciu continues fuelgues de fame y sede per esi tiempu foron silenciaes consecutivamente, anque con pequeños llogros, como l'algame'l Tercer Grau en 2008. Sicasí, tres vergoñoses ya inxustificaes demorances na negociación de los sos permisos Amadeu comezó otra fuelga de fame dende'l 24 de mayu.

¡Llibertá p'Amadeu Casellas!

Manifiestu n'Asturianu:

Les abaxo firmantes, persones, grupos, asociaciones, organizaciones, etc… rellacionaes cola vida social, cultural, sindical, política, de los drechos humanos… queremos poner en conocimientu de los másimos responsables de la Consellería de Justicia y de la Direcció General de Serveis Penitenciàris que, conociendo la grave situación na que s’atopa Amadeu Casellas Ramón, encarceláu nel Centre Penitenciari de Quatre Camins y anguaño ingresáu na Unidá Hospitalaria Penitenciaria (UHP) del Hospital de Terrassa, por pasase más de 85 díes en fuelga de fame, que vien sumando con alternes fuelgues de sede. Prestaríanos llamar l’atención de vueso pa que se produza una solución ceo pa esta situación.

Tenemos costancia, que’l 5 de setiembre del añu pasáu, depués d’una fuelga fame de 76 díes, llegóse a un alcuerdu tres la mediación del responsable del Sindic de Greuges, Ignasi Garcia Clavel.

Que nesti alcuerdu recoyíase, que tres la recuperación de la fuelga fame, Amadeu debía añiciar un Programa Individualizado de Tratamiento (PIT), que, cuando fore cumplíu correchamente, representaría-y un informe favorable de la xunta tratamientu, pa la consecución d’un permisu de 3 díes, col que consiguiere un contratu trabayu nel esterior, y, a la so torna, poder solicitar l’aplicancia del artículu 100.2, que-y permitiere salir tolos díes a trabayar al esterior y dormir en prisión. Situancia tres la cuala, depués de mantenela un curtiu intervalu de tiempu, representaría-y la consecución del tercer gráu ya inmediatamente depués, la llibertá condicional.

Sabemos qu’esti alcuerdu foi vulneráu per parte la prisión, pese al estrictu cumplimientu per parte d’Amadeu que, amás, tuvo que superar delles resistencies y dificultaes; y qu’amás, la xunta tratamientu unvió a la Xueza de vixilancia penitenciaria un informe favorable a los permisos, siguíu d’otru desfavorable. Depués, la direición de la prisión, argumentó qu’Amadeu tenía una causa pendiente del añu pasáu y que hasta que nun se resolviere dicha situación, nun autorizaría la so salida prisión. Los fechos a los que fai referencia la prisión, socedieron abondo enantes de que se formalizare esti alcuerdu, poro, esta situación nun debía afeutalu. Sabemos qu’hai persones que salen con permisos teniendo causes pendientes. Que’l riesgu de fuga produzse cada vegada que se firma un permisu salida y que si esi fore un motivu pa ñegalu, naide saldría con permisos de prisión fasta’l cumplimientu de la conderga. Tampoco debía tenese en cuenta, situaciones anteriores nes qu’Amadeu nun regresó d’un permisu, pues eses circunstancies ya les pagó con conderga y taríase aplicando un doble castigu.

Amás, conocemos la grave situación personal y d’encierru na qu’anguaño ta Amadeu Casellas que, ensin delitos de sangre, lleva yá más de 23 años en prisión. Anguaño nel hospital penitenciariu, con una fuelga de fame que caltién dende fai más de 85 díes y sumando fuelgues alternes de sede que, por razones de salú, nun puede caltener per munchu tiempu. Regresáu al primer gráu, col corréu interveníu y n’ocasiones, aínda reteníu y ensin da-ylu. Aisláu del restu presos de la unidá penitenciaria del hospital, prohibiéndo-y les comunicaciones de los sos collacios y collacies y namás permitiendo-y les que caltién con so ma ya los sos abogaos.

Per too ello, y porque nos paez un abusu escesivu que podría tenese resuelto d’otra mena enforma menos traumática, axuntámonos a la solicitú de llibertá inmediata p’Amadeu Casellas Ramón, por razones humanitaries, porque yá cumplió la mayor parte de la so conderga y porque, amás, arrexunta toles condiciones pa salir en llibertá.

http://www.lahaine.org/index.php?p=32018

http://www.fai-asturies.org/principal.php?pag=lernot&id=95
www.kaosenlared.net/noticia/fai-sumase-manifiestu-pola-lliberta-damadeu-casellas